السلام عليكم ،،
الحمد لله احنا من عائلة محافظه جدآ .. تتسمك بالعادات والتقاليد وبالاحكام الدينيه .. ولله الحمد ..
المشكله هذي تخص احد قريباتي ..
اولا اسرتها مفككه .. امها مطلقه من 6 سنوات او اكثر وعايشين مع ابوهم وزوجته .. بصراحه ما اعرف عن مدى علاقتهم بزوجة ابوهم .. لكن والدهم مشغول جدا عنهم
قريبتي اعترف لي مره ان ابوها له علاقه مع بنات !! يمكن مو علاقه بمعناها الصحيح لكنه يكلم ويسولف معاهم بالماسنجر .. الى هنا حد علمنا بالعلاقه
بصراحه صعبه على البنت تكتشف ان ابوها كذا صدمه قويه ..
المهم سالفة قريبتي انها تعرفت على واحد بالماسنجر سولفت معه قرابة 6 اشهر وقالت لي خلال هذي المده عن علاقتها فيه تبغاني انصحها او اساعدها انها تتركه ..حاولت معها .. ويكفي انها لها رغبه بتركه ..
لكنها ما قدرت ... والحين هي تكلمه بالجوال لها 8 اشهر .. وهي تشتكي لي ما تقدر تتركه وهو كمان مو قادر يخليها ..
وتقول انه محترم ومو من النوع اللي يلعب على البنات
والمشكله انه عرف اسمها وكل شي عنها .. الى درجه انه عرف بيتها لان ابوها معروف على مستوى المدينه اللي هم منها ..
هي لجأت لي .. تبغاني اساعدها حاولت ابعدها عنه ..
لكن ما اعرف كيف احاول معها ...؟؟
مالقت احد يسمع لها .. ويسمع لهمومها ومشاكلها .. الا هو ...؟؟
قلت لها انا مستعده اسمع لمشاكلك حتى لو تصحيني من النوم ..!!
لكن هي من النوع اللي تكتم ماتحب احد يعرفها يعرف همومها تقول احد اشكي لأحد مستحيل اشوفه ..
انا خاااايفه عليها مررررررره .. لانها قبل قالت لي ان علاقتهم ماراح تتعدى الماسنجر .. والحين وصلت للجوال ... ولما كلمتها الحين قالت انها ماراح تتعدى الجوآل وبس ..
ولما ذكرتها بكلامها اول انها علاقة ماسنجر .. خـآآآفت ان العلاقه تتطور اكثر واكثر ...؟؟
ابغى حل .. ابغى اساعدها ...؟؟
ساعدوني ..