السلام عليكم ..

انا بنت عمري 20 سنه

عندي موضوع متعبني مني عارفهـ اقرر فيه..

فيه واحد من عيلتي يحبني واحبو من سنتين

وقلي بيخطبني بعد سنتين او تلات قبل تخرجو بشوي يعني

هوا اكبر مني بالدراسه بسنهـ لانو دخل المدرسهـ قبل وقتو..

بس أصغر مني ب5 شهووور

وهدي أول مشكلهـ انا ماكنت أعرف من الاول

وانا ماايد انو وحده تتزوج واحد أصغر منها وعرفت السالفهـ متاخر

وحاولت اتقبل السالفه..

المهم..

وحاليا..

اتقدملي واحد كويس

عمرو 27 سنه

سالنا عنو وكده وكويس الولد ويخاف الله

ومحتاارهـ

انا طبعي أصلي صلاة استخارهـ في كل أموري

أخاف أرفضو وأرفض اي شخص يتقدملي واتزوج اللي احبو ومايكون خير لي ..!!

أو مانكون سعداء مع بعض ..!!

ويمكن عامل السن كمان يكون مشكله..!!

ووممكن تستجد أمور ومانتزوج

وأخاف أتزوج اللي متقدملي واندم

وافضل اتذكر الاولاني.؟!

فقلت احسن حل اني استخير اللهـ ..

والخيرهـ فيما أختارهـ الله ..؟!

بس المشكله لو استخرت وحسيت اني مرتاحه للي متقدملي ..

بحس اني خاينهـ ..

واتخليت عن واحد يحبني وسواااا كثيييييييييييييير عشاني..

وهو يمكن مابيفهم اني سويت الصح استخرت اللهـ وهو ادرى بمصلحتنا منا..؟

ايش اسوي .؟

استنى واتزوج اللي احبه ويقربلي ..

ولا امشي باستخارتي مهما كانت.؟

وسوال تاني فرق بين الزوجين 8 سنين مو كتير.؟