22
السعودية
انسة
طالبة كلية التربية((حاسب الي))
المشكلة الحالية
السلام عليكم ورحمة اللةوبركاتة...
بكتب لكم المشكلة بالتفصيل عشان اكون بالصورة وهي كان عندي تربية عملي بفصل من فصول اول ثانوي وكان الفصل مرة روعة ادب وشطارة وكنت مرتاحة معاهم وهذا الفصل اللي بتقيم علية من قبل المشرفة وفي فصل ثاني زايد انا حبيت ادرسهم واكتسب خبرة لان الفصل هذا ولامدرسة من مدرساتهم الاساسيات قدروا عليهم وحتى مع تنقيص الدرجات المهم دخلت عليهم وانصدمت اول مادخلت عليهم ازعاااج وكلام ماينتهي وصراخ واي بنت تجاوب معي يشجعونها بالتصفيق ويطلعون اصوات حيوانات وموقفي جدا جاد على هدوء وقلت اللي طلعت الصوت نزلت نفسها لمستوى هي عارفتة وبعدها ماسمعت اصوات حيوانات؟؟ انا تضايقت العام كنت ادرس 3فصول لكن فصل كذا ابدا ماشفت واضطريت اني اطرد بنت برا عشانها اول وحدة صفقت بعددين قلدوها وخافوا ماصفقوا حسيتهم يبغوني ادرسهم اقصد لويتمنون يطلعون برا كان صفقوا وخلوني اطردهم وبرا في كراسي ويقدرون يسولفون مع بنات برا..لكن المشرفة اللي تقيمني قالت ماراح اظلمك واقيمك بفصل احنا المدرسات اللي لنا خبرة بالتدريس ماقدرنا عليهم وكل الحركات اللي سووها لك صارت معانا ومستمرة اكثر من شهر واعطتني حل مااتوقع بينفع معاهم وهو اني اشرح ولااهتم فيهم عشان مايزيدون ويعتمد على شخصيتي وقالت هم يسوون لك اختبار على طريقتهم واللة فيني العبرة اول ماخلصت الحصة اصلا ماكملت شرح انا الباقي مشروح قالوا تكفين بنموت لوماشرحتي وبنعلم الادارة وهذي الحركات المعروفة من ايامي وانا طالبة لكن ماكان الفصل كلة كانت شلة شلتين الحين اهزئ بنت كل الفصل يدافع عنها واضطراتركها واشرح مع ان صوتي جهري والشرح الحمد اللة ممتاز لكن مافي شيء يعجبهم وانا اول ماطلعت كرهت التدريس منهم وهذا الشي صار مع كل مدرساتهم يقولون لي هذا الفصل كرية محد يحب يدخل عية .. تدرون اللي مشجعني اخذهم كلام المدرسة ان هذا مقياس اختبار واذا ضبطتهم بقدر على اي فصل يقابلني بالمستقبل القريب باذن اللة وعموما هذا الجيل اذاموكلة الغالبية كذا لازم الواحد يطور نفسة عشان يقدر يواجهة وبنفس الوقت اقول يكفيني فصلي المؤدب وانبسط زيي زي باقي صديقاتي واخاف مااكون قدها اتمنى تعطوني رأيكم بكل وضوح وتوجهوتي كيف اعاملهم استهزئ انا عليهم واحسسهم انهم ولاشي ترى اقدر وبيكرهوني ولااصير هادية ولايحترموني ويركبون راسي....؟؟؟ حتى بالاجازة مانسيتهم حابة اادبهم ومترددة يااعقلهم يايجننوني!!!

الأسباب المتوقعة لها
جربت هالفصل حصة وحدة فقط وفي بنات من الاوائل لكن لسانهم طويل وهم عبارة عن شلل.
المشاكل السابقة المرتبطة بها
البنات من المتوسط هذي حالتهم واليوم صاروا بنات اول ثانوي واضيف ان المديرة موشديدة ابدا لانهاماراح تقدر عليهم.
محاولاتك لحل المشكلة
فرقت بعض البنات لكن ماينفع علاقتهم كلهم قوية ببعض ومنهم مايرضى يغير مكانة ولااتحدى البنت واحط نفسي بموقف محرج.
إضافات أخرى
اشكر جهود جميع المستشارين في هذا الموقع المبارك والمحافظ وارائهم النابعة من خبرتهم وحسن نيتهم.. لكم اجمل الدعوات